Deputeti Ervin Salianji ka reaguar në lidhje me punimet në Kuvendin Kombëtar të Partisë Demokratike, ku ai nuk është i pranishëm.
Në një postim në rrjetet sociale, ai shkruan se opozita e ka jetike qasjen ndryshe me qytetarët dhe vetveten dhe sipas tij, ndryshimet e thella janë më shumë se të domosdoshme. Saliani shkruan se bashkimi mes vetes dhe hapja drejt shoqërisë është frymëmarrje jetike për opozitën sot, ku t’i hapet rruga me meritë më të mirëve.
“Opozita e ka jetike transformimin, rikonceptimin, ridimensionimin dhe qasjen ndryshe me qytetarët dhe vetveten! Korrigjimet janë të pamjaftueshme, ndryshimet e thella më shumë se të domosdoshme! Bashkimi mes vetes dhe hapja drejt shoqërisë është frymëmarrje jetike për opozitën sot!
Nevoja për ti hapur rrugën me meritë më të mirëve, profesionistëve me integritet, diasporës, të rinjve, shoqërisë!” – shkruan Salianji.
