Moti i keq, ka përfshirë edhe qytetin e Librazhdit pasditen e kësaj të marte. Një stuhi me reshje shiu dhe erë të fortë ka goditur qytetin, duke shkaktuar problematika në shumë biznese dhe duke bllokuar rrugët kryesore.
Era ka thyer disa pemë, dhe ka shkëputur energjinë elektrike në disa zona, ndërsa ka zhvendosur edhe shumë çadra, tavolina e karrige të lokaleve, sic mund të shihen edhe në pamjet e publikuara nga Kryetari i Bashkisë së qytetit.
Deri më tani nuk raportohet për dëme serioze, ndërkohë njoftohet se strukturat e emergjencave civile kanë dalë në terren për të normalizuar situatën.
