Skënderbeu-Teuta dhe Vllaznia-Laçi kanë qenë dy ndeshjet që kanë mbyllur javën e 13-të të Kategorisë Superiore.
Korçarët kanë arritur të marrin një trepikësh mjaft të rëndësishëm, duke fituar me rezultatin e pastër 3-1 në fushën e tyre përballë bregdetarëve. Skënderbeu arriti të gjente golin e avantazhit që në minutën e 13′ të takimit. Pas një krosimi të Zenullarit në zonë, ishte 21-vjeçari Franklin Ahanonu, i cili e dërgoi topin në rrjetë, duke shpërblyer besimin që i dha trajneri Ivan Gvozdenoviç në ndeshjen e tij të parë si titull, teksa ky ishte goli i dytë për të në kampionat.
Në minutën e 37′ të takimit, me ndihmën e VAR gjyqtari akordoi një 11-metërsh për Skënderbeu, pas një ndërhyrje të Jazxhi ndaj Ramos. Nga pika e bardhë e penalltisë, ishte Dean Liço, i cili nuk gaboi duke kaluar në avantazh të dyfishtë ekipin e tij.
Gjërat morën tjetër rrjedhë në fundin e fraksionit të parë të lojës, kur Ardit Nikaj mori dy kartona të verdhë brenda 10 sekondash, pasi një faulli të shkaktuar dhe protestave ndaj gjyqtarit, duke lënë Skënderbeun me 10 lojtarë.
Pas insistimeve të shumta, Teuta shkurtoi provizorisht diferencën me anë të Peposhit në minutën e ’73, por 11 minuta më vonë Emir Rashica arriti të shëntonte dhe i dha siguris sërish korçarëve me rezultatin 3-1, ku po aq u mbyll dhe gjithë takimi.
Pas kësaj fitoreje, Skënderbeu ngjitet në vendin e 4 të renditjes me 17 pikë, ndërsa Teuta renditet në vend të fundit me 12 pikë, por me ndeshjen e prapambetur kundër Partizanit, e cila nuk është realizuar ende.
Nga ana tjetër, ndeshja e luajtur në “Loro Boriçi” të Shkodrës, mes Vllaznisë dhe Laçit, përfundoi me rezultatin e bardhë 0-0, pavarësisht tentativave ngana e të dy ekipeve.
Renditja pas javës së 13-të:
