Është liruar nga burgu, mesditën e kësaj të premte ish-efektivi i forcave operacionale, Jeton Lami, i cili akuzohet për shpërdorim detyre lidhur me shoqërimin e të shumëkërkuarit Ervis Martinaj.
Lami u arrestua më 23 gusht 2022 nga policia e Lezhës teksa policia po hetonte për zhdukjen e të shumëkërkuarit. Ata zbuluan se Lami kishte ndihmuar Martinajn të arratisej. Lami u dënua vetëm për shpërdorim detyre me 2 vite e 10 muaj burg, dhe sot ka fituar lirinë pasi pjesën me te madhe të dënimit e kreu në kohen e paraburgimit.
Ndërkohë, kujtojmë se Ervis Martinaj rezulton i zhdukur që prej 9 gushtit. Ai ishte shpallur në kërkim, në kuadër të operacionit “Plumbi i Artë”, pasi i penduari i drejtësisë Nuredin Dumani, tha se i kishte ofruar një ‘çek të bardhë’ në këmbim të ‘kokës’ së Indrit Dokles. Por, në 9 gusht, u zhduk pa gjurmë. Alarmin e ngritën familjarët e Martinajt dhe tashmë prokuroria po heton për rrëmbim personi dhe inskenim.
