Një tjetër aksident me vdekje në vend, pas atij në Kuçovë më herët gjatë ditës.
I radhës është shënuar në Elbasan, ku viktimë ka mbetur një 74-vjeçar. Ai është përplasur nga një automjet tekca ecte në këmbë dhe për pasojë ka humbur jetën.
“Rreth orës 19:35, në unazën e qytetit, automjeti me drejtues shtetasin A. M., 20 vjeç ka aksidentuar shtetasin S. K., 74 vjeç, këmbësor, i cili për pasojë ka humbur jetën gjatë transportimit me ambulancë, në spital”, njoftoi policia.
“Shtetasi A. M. u shoqërua në Komisariat, për veprime të mëtejshme procedurale. Grupi hetimor ndodhet në vendin e ngjarjes dhe vijon veprimet hetimore për zbardhjen e rrethanave të aksidentit”, shtuan të njëjtat burime.
