Gazetarja Klodiana Lala ka dhënë detaje nga procedura e ekstradimit të Dritan Rexhepit nga Turqia. E ftuar në emisionin “Të Paekspozuarit”Lala tha se Rexhepi po mendohet se ku i leverdis më shumë të ekstradohet, ndërkohë që deklaroi se një avokat shqiptar ka udhëtuar drejt Turqisë për ta përfaqësuar.
“Mbaj mend kur kam shkuar në shtëpinë e Dritan Rexhepit, tek nëna e tij. Ishte grua e sëmurë. I bëra edhe kafe turke dhe e pyeta. Olimbia rrinte me celular në dorë. Më thoshte se kur e merrte Dritani nga burgu dhe këto detajet. Dritan Rexhepi do ti vonojë shumë procedurat. Para një viti kontaktoi ekip ligjor në Tiranë. Nuk doli asnjëherë ai ekip të fliste, por për shkak të një teme i kam kontaktuar. Të nesërmen e arrestimit nga Tirana ka udhëtuar njëri prej pjesëtarëve të këtij ekipi ligjor. Ai po peshon nga ana ligjore se ku i leverdis të shkojë më shumë. Krimet në Shqipëri janë shumë të rënda. Në finale, autoritetet turke kanë për detyrë ta pyesin edhe vetë personin se ku do të shkojë. Problemi është që Dritan Rexhepi ende nuk ka marrë nje vendim, për sa kohë po merr avokatë shqiptarë dhe italianë”, tha ndër të tjera Lala.
Gazetarja ka treguar dhe se si u soll Behar Bajri drejt Shqipërisë, pas vendimit për ekstradim nga Franca. Ajo tha se Behar Bajri konsiderohen një personazh mjaft i rrezikshëm dhe për autoritetet ka qenë sfidues transporti dhe sjellja e tij, për shkak të frikës se mos sulmohej autokolona, që do ta transportonte nga aeroporti drejt qelisë.
“Francëzët kanë karkuar që Behar Bajri të transferohej gjatë ditës, të mos kishte tentativa për të sulmuar autokolonën që do ta transportonte. Mënyra si është eskortuar, me super masa sigurie. Ka udhëtuar edhe agjent i Interpoli francez. E konsiderojnë si person mjaft të rrezikshëm. Ka vrarë shokun e tij të ngushtë dhe pasi e ka vrarë i ka shkuar në varrim. Kur ka vajtur SPAK dhe ka kqyrur vendin e ngjarjes, rezulton se numri i plumnbave, kalibri, pozicioni i viktimës… Ai ka shkuar edhe më tej, ka thënë më shau dhe doja ti bija prapë. Kur pala franceze ka parë dosjen dhe ashpërsinë e tij, kaq ka mjaftuar që ai të vijë në Shqipëri”, tha ndër të tjera Lala.
