Një aksident i rëndë është regjistruar në orët e para të mëngjesit të sotëm, në unazën e Shkozetit në Durrës.
Autoritetet policore raportojnë se automjeti që drejtonte shtetasi A. G., 32 vjeç, ka përplasur një shtetas rreth 50 vjeç, ende të paidentifikuar, që lëvizte me biçikletë. Si pasojë e përplasjes, ai ka humbur jetën në vend.
Bëhet me dije se drejtuesi i automjetit është shoqëruar në ambientet e Komisariatit, për kryerjen e veprimeve të mëtejshme procedurale.
Grupi hetimor po punon për sqarimin e rrethanave të aksidentit, si dhe për identifikimin e shtetasit që humbi jetën.
