Gjykata e Lartë lë në fuqi masën e sigurisë “arrest me burg” për ish-kryetarin e Bashkisë së Durrësit, Vangjush Dako.
Gjykata e Lartë ka refuzuar rekursin e ish-kryebashkiakut të Durrësit, Vangjush Dako për një masë më të butë sigurie.
Dako u arrestua arrestuar pasditen e 6 qershorit të këtij viti me urdhër të SPAK së bashku me 8 zyrtarë dhe ish-zyrtarë të bashkisë së Durrësit si dhe 1 ndërtues.
Ndaj Vangjush Dakos, 4 ish-zyrtarëve të Drejtorisë së urbanistikës së Bashkisë së Durrësit, dhe ish-Drejtorin Adhurim Qehajaj, pronarin e një kompanie ndërtimi, Fiqiri Farruku, u caktua masa e sigurisë “arrest me burg”, ndërsa për tre nëpunëse gra u vendos masa e ‘arrest shtëpie’.
Ish-kryebashkiaku i Durrësit akuzohet ka shpërdoruar detyrën në dy raste. Rasti i parë ka të bëjë me dhënien e një leje ndërtimi në 2011 për një pallat, në lagjen nr. 5, në qendër të Durrësit që u dëmtua nga tërmeti i 2019-ës. Pasi verifikime dyshohet se pallati kishte 4 kate pa leje dhe legalizimi i godinës është kryer në shkelje të ligjit.
Rasti i dytë ka të bëjë me një kallëzim për tenderin e shëtitores, që sipas Kontrollit të Lartë të Shtetit, dëmi llogaritej në 18 milionë lekë.
