Vëllai i 30-vjeçares nga Pogradeci, e cila pak ditë më parë lindi dhe braktisi foshnjën në një bodrum pallati në Tiranë, ka folur për emisionin “Me Zemër të Hapur”. I riu thotë se nuk e ka ditur për shtatzëninë pavarësisht dyshimeve dhe se djalin e ka pasur shok.
“Unë jam jashtë për momentin dhe nuk u futa dot dje. Unë nuk e kam marrë vesh nga familjarët e mi dhe e mora vesh në internet. Mora në telefon motrën por nuk ma hapën. Mora nusen dhe më thanë kanë ardhur dy-tre policë civilë. Unë kam dyshuar shumë dhe nuk kam mundur t’i them motrës. Kam kap mamin dhe i kam thënë pyete motrën se ka një çikë ndryshime.
Ajo ka thënë atë punë kini ju. Ajo ka pasur frikë. I kam pasur pikë të dobët. Para një viti e kam ditur që është lidhur me një person. Nuk ma thanë por i kuptova një cikë gjërat. Pastaj, e kapa mat dhe fola me djalin në fjalë. Kemi qenë shokë. Janë lidhur më përpara dhe pastaj ka marrë numrin tim dhe kemi folur në telefon. Kemi qenë në kafe dhe këtë gjë që ma ka bërë prapa shpine, duke e alkoolizuar motrën dhe ka bërë ato gjëra, unë nuk ia kam falur. Ka një vit dhe nuk më ka treguar asgjë”, tha ai.
Ai tha se ish-shoku i tij fliste edhe me femra të tjera, madje ishte lidhur me një vajzë nga Lushnja, ndërsa shtoi se tashmë nuk e donte më veten dhe se asaj nuk ia falte për gjestin.
“Se di nëse e ka dashur. Ai me kë nuk fliste me të tjera. Fliste me disa vajza. Motra ime i kishte bërë bllok dhe ai kishte nisur një lidhje me një nga Lushnja. Jashtë ka dhe një fëmijë tjetër. Dua të di; pse ma bëri këtë pas shpine. Jo ta alkoolizonte motrën time. Motra ime i ka treguar se është shtatzënë. Ai i ka thënë; s’dua ta di. Po ta dija e çoja vetë te spitali..ia bëja të gjitha. As vetes time nuk ia fal atë që bëri ajo. Nuk i bërtisja; i thoja s’e ke mirë këtë gjë, shiko rrugën e drejtë. S’me ka treguar kush. Asnjë s’më ka treguar fare.”, tha ai.
