Kreu i bashkisë së Kuçovës, Kreshnik Hajdari mëngjesin e sotëm ka hyrë në ambientet e SPAK.
Kryebashkiaku socialist është thirrur për të dëshmuar në ambientet e Prokurorisë së Posaçme ndërsa në krah tij ishte edhe avokati, Theodhori Sollaku.
Hajdari vjen një ditë pasi ish-deputeti Lefter Maliqi ka bërë kallëzime të reja në SPAK.
Kujtojmë se një ditë më parë KQZ konfirmoi mandatin e Hajdarit, pas verifikimeve të një dënimi të tij në shtetin grek. Hajdari akuzohet se fshehu në formularin e dekriminalizimit dënimin në Greqi.
Ky vendim ka sjell debate mes Celibashit dhe kandidatit të koalicionit “Bashkë Fitojmë” për Kuçovën, Lefter Maliqi i cili tha se vendimi është i padrejtë duke e cilësuar si një turp të madh.
“Ne do të vazhdojmë betejën tonë deri në Strasburg. Turp e faqja e zezë. Është një turp dhe një skandal. Ky që bën ky është turpi më i madh i Shqipërisë. E kemi miratuar vetë në Parlament që kur nuk deklaron i ndërpritet mandati. Këta nuk pyesin as për Parlament, as për Gjykatë të Lartë dhe as për Gjykatë Kushtetuese”, tha midis dje mes të tjerash Lefter Maliqi.
Pavarësisht kallëzimeve të njëpasnjëshme nga opozita dhe shkeljeve të ligjit me të “dyja këmbët”, Kreshnik Hajdarit vijon i pashqetësuar mandatij e tij si kryebashkiak, kurse SPAK-u “hesht” megjithëse dosjet voluminoze me kallëzime “flenë” mbi tavolinat e Prokurorisë së Posaçme.
Asgjë e re nga Celibashi i zi i zgjedhjeve, fal Hajdarin e Kuçovës
