Deputeti i Partisë Demokratike, Tritan Shehu ka komentuar aksionin e përshkallëzuar opozitar pas vendimit të djeshëm të Gjykatës që nuk e njeh Bashën si kryetar të PD.
Gjatë intervistës në Syri tv, Shehu vlerësoi se në politikë bashkimet dhe ndarjet nuk bëhen në mënyrë artificiale nuk bëhen me thirrje gazetarësh. Behën me qëndrime politike, bëhen me pozicionime politike të qarta.
“Unë mendoj se Partia Demokratike është e bashkuar, është e bashkuar rreth idesë e bërjes së një opozite të vërtetë, rreth idesë së kundërvënies së këtij regjimi, rreth idesë për të vendosur në Shqipëri normat e demokracisë dhje të parlamentarizmit shqiptar. Grupi parlamentar i PD tashmë është i unifikuar në betejat politike që bën. Janë 45 deputetë që po përballen me regjimin në parlamentin shqiptar.
Grupi i PD vazhdon luftën e tij brenda parlamentit për të vendosur parlamentarizmin për të vendosur të drejtat demokratike siç është drejta për mocione dhe komisioni hetimore. Ajo që luan rolin kryesor është veprimi politik, PD është e bashkuar, Kush do të dëshirojë ti bashkohet kësaj lufte opozitare mund ta bëjë por këto nuk bëhen me disa formula. Esenciale është që PD është përfshirë në këtë luftë që do të shkojë duke u zgjeruar. Në momentin që shkatërrohet demokracia në parlament imagjinoni se çfarë mund të ndodhë me demokracinë në tërsi jashtë këtij parlamenti. Unë jam dakord që ka ardhur momenti që ndoshta kjo luftë të zgjerohet edhe jashtë parlamentit. Veprimi po rritet”, tha Shehu.
