Policia në Durrës ka arrestuar këtë të dielë pesë persona pasi akuzohen për dhunë në familje, dhe vjedhje.
Blutë bëjnë me dije se katër prej të arrestuarve kanë dhunuar familjarët e tyre, ndërsa njëri prej tyre ishte shpallur në kërkim ëpr tre raste vjedhjesh.
Grupi hetimor ka nisur të gjitha veprimet për të zbardhur shkaqet e dhunës.
“Specialistët për Hetimin e Krimeve të Komisariatit të Policisë Durrës, në bashkëpunim me ata të Forcës së Posaçme “Shqiponja”, ndaluan shtetasin e shpallur në kërkim K. V., 35 vjeç, banues në lagjen nr. 1, pasi më datë 17.10.2023, ka vjedhur një celular; më datë 22.10.2023, ka vjedhur një biçikletë dhe më datë 02.11.2023, ka vjedhur vegëla pune.
Specialistët për Hetimin e Krimeve të Komisariatit të Policisë Durrës arrestuan në flagrancë shtetasit:
- V., 50 vjeç, banues në fshatin Arapaj, pasi ka ushtruar dhunë ndaj bashkëshortes së tij;
- B., 19 vjeç, banues në lagjen nr. 7, pasi ka ushtruar dhunë ndaj prindërve të tij.
Specialistët për Hetimin e Krimeve të Stacionit të Policisë Plazh arrestuan në flagrancë shtetasin A. Gj., 37 vjeç, banues në lagjen nr. 13, pasi ka ushtruar dhunë ndaj babait të tij.
Specialistët për Hetimin e Krimeve të Komisariatit të Policisë Kavajë arrestuan në flagrancë shtetasin K. M., 36 vjeç, banues në Kavajë, pasi ka ushtruar dhunë ndaj bashkëshortes së tij”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
