Dy shtetas shqiptarë përkatësisht të moshave 23 dhe 24 vjeç, janë arrestuar nga Policia në Spanjë, pasi akuzohen se janë autorë të dyshuar të kultivimit, prodhimit dhe trafikut të drogës.
Shqiptarët u arrestuan në kuadër të një operacioni të zhvilluar nga Garda Civile në Spanjë, nga i cili u sekuestruan 800 bimë kanabis sativa, më shumë se 30 kilogramë marijuanë dhe 100 gram hashash si dhe janë sekuestruar pesë automjete, dy prej tyre me targa gjermane dhe një makinë ambalazhimi me vakum.
Sipas mediave vendase arrestimi i dy të rinjve ndodhi pasi Garda Civile u njoftua rreth orës 1:25 të mëngjesit të datës 7 nëntor nga Shërbimi i Urgjencës për disa automjete që po udhëtonin me shpejtësi të madhe përmes urbanizimit Rancho Verde në Almunécar dhe për të shtëna të mundshme mes tyre.
Kur patrulla e Gardës Civile të Almuñécar mbërriti në vendngjarje, agjentët zbuluan se një automjet kishte rënë nga një shkëmb në kilometrin 309 të N-340, ata vëzhguan gjithashtu një automjet tjetër që digjej dhe dy makina të tjera që ishin braktisur dhe kishin dy plumba.
Gjatë kontrollit vizual, agjentët e ekipit të Policisë Gjyqësore të Gardës Civile të Almuñécar verifikuan se si në automjetin e djegur ashtu edhe në atë që kishte rënë, kishte marijuanë. Më vonë, të fshehur mes barërave të këqija, gjetën pesë thasë me rreth tre kilogramë secila me marijuanë të mbushur me vakum.
Hetuesit gjetën gjithashtu dy fishekë të kalibrit 9 mm dhe vëzhguan një të dyshuar të ri duke e fotografuar atë nga një distancë. Garda Civile e identifikoi këtë individ dhe zbuloi midis sendeve të tij çelësat e njërës prej makinave të sekuestruara dhe brenda saj informacione që lidheshin me një adresë në rrugën Guadalquivir në qytetin e Almuñécar.
Garda Civile ka kontrolluar këtë adresë dhe brenda ka gjetur një qendër prodhimi marijuanë, 800 bimë kanabis sativa, 7.6 kilogramë të tjera marihuanë gati për shitje, 100 gramë hashash dhe një makineri paketimi me vakum. Pas kontrollit u arrestua edhe një i ri i dytë dhe dy të rinjtë e ndaluar janë vënë në dispozicion të Gjykatës së Almuñécar.
