Avokati i ish-kryeministrit, Sali Berisha, Genc Gjokutaj u shpreh për mediat se edhe ditën e sotme kanë kërkuar përjashtimin e gjyqtares Irena Gjoka.
Ai tha se seanca është shtyrë për në orën 15:00, për të shqyrtuar sakaq kërkesën e tyre.
“Bëmë një kërkesë për përjashtimin e Irena Gjokës, u ndërpre seanca për të shqyrtuar kërkesën. E kemi shtjelluar ne kërkesën se çfarë kërkojmë. Gjoka ka detyrë të heqë dorë, por ajo nuk e bëri. Gjykata nuk ka zbardhur vendimin, ky është argumenti pse ne kërkojmë përjashtimin e Irena Gjokës. “Në vitin 1996, kjo gjykatëse është shkarkuar nga detyra nga KLD, e cila drejtohej nga zoti Berisha në cilësinë e Presidentit të Republikës,””, u shpreh ai.
Kujtojmë se opozita e akuzon Gjokën se po shkel Kushtetutën me kërkesën e saj për kufizimin e lirisë së kreut të opozitës, pa marrë më përpara miratimin e Kuvendit.
