Ka humbur jetën në ambjentet e spitalit, punëtori 40-vjeçar i cili ra nga një objekt në ndërtim në Himarë, pasditen e kësaj të enjte.
“Rreth orës 15:56, në Dhërmi, Himarë, shtetasi A. N., 40 vjeç, duke punuar në një objekt në ndërtim, dyshohet se ka rënë aksidentalisht nga lartësia dhe si pasojë është dëmtuar. 40-vjeçari është transportuar në spital, për ndihmë mjekësore”,- njoftoi më herët policia.
Por pas dërgimit në spital, 40-vjeçari nuk ka mundur tu mbijetojë plagëve të marra. Sipas burimeve për mediat, viktima është shtetasi Artan Ndini.
Grupi hetimor vijon veprimet në vendin e ngjarjes, me qëllim dokumentimin e plotë ligjor të rrethanave të kësaj ngjarjeje.
