Edhe pse seanca pritej te niste ne 10:00, deputetët e Partisë Demokratike kanë hyrë në Kuvend një orë më parë, kanë përmbysur karriget dhe i kanë grumbulluar te foltorja për të bllokuar seancën.
Deputetja socialiste Antoneta Dhima është afruar duke guxuar për të tërhequr një prej karrigeve, ndërkohë është shtyrë nga demokratët për të mos e lejuar që të tërheqë asnjë nga ulëset.
“Ik, o Antoneta ik”, dëgjohen të thonë disa prej deputetëve të opozitës.
Deputetja e PD-së, Ina Zhupa dhe ajo e PS-së, Antoneta Dhima kanë pasur një konflikt mes tyre në sallën e Parlamentit. Në mes të debatit mes tyre, ka ndërhyrë kryedemokrati Berisha, i cili i ka bërë thirrje socialistëve që të mos provokojnë protestën e tyre. Përplasja:
Ina Zhupa: Ik o Antoneta, po ik o Antoneta tani. Ik o Antoneta tani, ik.
Antoneta Dhima: A ka mundësi që ta marr unë?
Ina Zhupa: Po ik o Antoneta, ik!
Sali Berisha: Ne nuk kemi asnjë gjë me ju. Jemi në protestë, mos provokoni protestën. Ne po luftojmë për një të drejtë tonë kushtetuese.
