Moti i ashpër ka goditur një pjesë të madhe të Italisë, duke shkaktuar edhe vërshimin e liqenit të Comos.
Në Milano, rrebeshi i madh shkaktoi pezullimin e linjës së metrosë dhe linjave të autobusëve të qytetit.
Ndërsa në Venecia, efektet e fenomenit të baticës ishin të kufizuara, kjo falë barrierave artificiale të sistemit “Mose”, të cilat u ngritën për t’i mbrojtur gjatë natës.
Moti i keq në rajonin Emilia Romagna shkaktoi shembjen e pjesshme të dy urave jashtë qyteteve Parma dhe Piacenza.
Thuhet se ujërat e vrullshme rrëmbyen një burrë, ndërkohë në zonën më të gjerë të Piacenza, rreth 20 shtëpi të përmbytura u evakuuan.
Sipas parashikimit të meteorologëve moti i keq në Itali do të vazhdojë edhe në dhjetë ditët e ardhshme.
