Një ngjarje e rëndë ka ndodhur në Greqi, ku një 42-vjeçar shqiptar bashkë me dy djemtë e tij, janë dhunuar brutalisht nga 7 grabitës. Ngjarja ka ndodhur në zonën e Kolonos.
Sipas mediave greke, 42-vjeçari shqiptar ishte ulur me dy djemtë e tij, 23 dhe 17 vjeç, në një stol në sheshin kryesor të qytetit, kur disa persona të panjohur iu afruan. Ata ishin të veshur me rroba të zeza dhe kapuç.
Ishte “koka” e bandës, që iu afrua familjes shqiptare dhe me ton të fortë i kërkoi babait t’i jepte 5000 euro. 42-vjeçari shqiptar është përgjigjur se nuk do t’i japë paratë që kërkon dhe më pas gjashtë autorët e tjerë kanë filluar ta godasin me grushte dhe shkelma në kokë, derisa ai ra përtokë i gjakosur.
Njëri prej grabitësve i ka rrëmbyer celularin, ndërsa anëtarët e tjerë të bandës kanë sulmuar edhe djemtë e tij. 23-vjeçari ka mbetur i plagosur në brinjë dhe i është marrë varësja e floririt nga qafa.
Autorët janë larguar me vrap, ndërsa të lënduarit janë dërguar në Kryqin e Kuq, ku iu është dhënë ndihma e parë. Sipas dëshmive të viktimave, kreu i bandës është bashkëkombës i tyre dhe është vetëm 18 vjeç, ndërsa rezulton si një person me precedentë të shumtë kriminalë.
