Nisur nga ngjarje e rëndë që ndodhi pak ditë më parë në Fier, ku ne oret e para te mengjesit mbeti i vrarë nga policia gjatë një tentative për të grabitur një 20-vjeçar.
Sot, veprimin e patrullës së policisë që ndërhyri dhe shmangu grabitje, por që nuk kaloi pa asnjë incident, e ka përshëndetur edhe ministri i Brendshëm Fatmir Xhafaj, e po ashtu edhe kryeministri Edi Rama.
“Nëse keqbërësit nuk pranojnë të ulin armët dhe me armë kërcënojnë jetën e qytetarëve dhe policisë, kjo ishte dhe mbetet e vetmja përgjigje që mund të marrin dhe që meritojnë në cdo rast”, tha Rama.
Sakaq, ai zbuloi se ishte kjo patrullë e cila disa javë më parë gjatë një ndjekje ndaloi dhe arrestoi grabitësit në një pike këmbimi valutor në Fier ku mbeti i vrarë një person.
“Ishte po kjo patrullë që u angazhua në një ndjekje me shpejrësi të lartë sa arrestoi grabitësit e armatosur që i mori jetën një qytetari.
Janë të tillë heronj, heronj të përditshmërisë së punës së policisë së shteti që nuk i njohim se nuk shfaqen nëpër ekrane apo gazeta, që cdo ditë , dhe cdo natë, zhvillojnë një betejë të pabarabartë, se është krimi që vendos vendin, kohën dhe mënyrën e përballjës,
është gatishmëria dhe aftësia e mbështetur nga kurajo dhe ndershmëria që përcakton fatin e betejës së pabarabartë”.
