Prej janarit të këtij viti, Dani Alves është vendosur pas hekurave në Barcelonë teksa ish-futbollisti është i akuzuar për përdhunimin ndaj një vajze në një prej diskotekave të Barcelonës në muajin dhjetor.
Braziliani vijon betejën ligjore teksa këmbëngul se është i pafajshëm dhe se marrëdhënia me vajzën ka qenë me miratimin e saj.
Megjithatë, përsa kohë ende nuk janë provat e mjaftueshme, 40-vjeçari do të qëndrojë i izoluar. Edhe pse duket se në burg,
Dani Alves e ka gjetur mënyrën për të dërguar një mesazh. Në mënyrë të befasishme në Instagramin e tij është shfaqur një mesazh shumë domethënës.
“Nuk ka rëndësi se ku je, unë do të jem gjithmonë me ty”, ishin fjalët e Alves. Gjithsesi, ende nuk dihet nëse Alves ia ka dalë të sigurojë një telefon në burg, apo nëse ky është thjesht një mesazh i të afërmëve të tij nëpërmjet Instagramit të Alves.
