Kreu i Partisë Demokratike Sali Berishës sot në orën 18:00 do të mbledhë Këshillin Kombëtar.
Në mbledhje pritet që të diskutohet për mënyrën se si do të reagojë opozita pas akuzave të fundit të SPAK ndaj ish-kryeministrit të cilit GJKKO i ka vendosur masën e sigurisë “Detyrim Paraqitje” për dosjen nën hetim të ish-kompleks Partizanit.
“Të nderuar anëtare të Këshillit Kombëtar, ditën e premte dt 27 tetor, ora 18.00 në selinë e PD do të mblidhemi për të diskutuar situatën politike dhe hapat që do të ndërmarrim në vazhdim”- thuhej në njoftim.
Ende nuk dihet si do të vijojë aksioni opozitar por mediat kanë aluduar se Berisha mund të ndërmarrë një “foltore” numër dy, pra një dialog me shqiptarët për të komunikuar nga afër me bazën e Partisë Demokratike dhe anëtarët e saj.
Për privatizimit e kompleksit Partizani, ndaj Berishës, Gjykata ka caktuar detyrim paraqitje dy herë në muaj para oficerit të Policisë Gjyqësore dhe bllokimin e pasaportës për të mos dalë nga vendi.
Në krahun tjetër Berisha i ka quajtur politike akuzat e SPAK ndaj tij, prandaj ai ka bërë me dije se nuk do të paraqitet në Prokurorinë e Posaçme pasi masa e vendosur ndaj tij është në kundërshtim me ligjin dhe shkelet Kushtetuta.
