Një krim tronditës është regjistruar ditën e sotme në Greqi, ku ka humbur jetën një 54-vjeçar shqiptar.
Mediat greke raportojnë se ai ka qenë duke punuar në një rrugë në Kormi të Athinës, duke shtuar fibra optike. Gjatë punës, makineria që shërben për çarjen e betonit, nuk e ka parë, dhe i ka kaluar sipër, duke i prerë kokën.
Vendi i ngjarjes është rrethuar nga Policia greke që në momentin e parë, ndërsa në vendngjarje kanë mbërritur ambulanca dhe një zjarrfikëse.
Për shkak të aksidentit janë arrestuar dy drejtuesit e makinerive dhe aktualisht ndodhen në Stacionin e Policisë së zonës për të dhënë deklaratën e parë për ngjarjen tragjike. Viktima ishte baba i dy fëmijëve.
