Deputeti i partisë demokratike Tritan Shehu ka reaguar pas vendimit të GJKKO për masën ‘detyrim paraqitje’ për Sali Berishën.
Ai shkruan se me tërheqjen e pasaportës diplomatike të ish Presidentit, ish Kryeministrit po tentohet të izolohet kryetari i opozitës, të goditet vetë opozita.
Këto ndodhira sipas tij ndodhin vetëm në regjimet diktatoriale dhe në vendet më të errëta të botës.
Postimi i Tritan Shehut:
Mos u shqetësoni, Berisha nuk “arratiset”!
I tërhiqet “pasaporta” diplomatike ish Presidentit, ish Kryeministrit, deputetit, Kryetarit të opozitës.
Tentohet të izolohet Kryetari i opozitës, të goditet opozita vetë.
I hiqet e drejta e levizjes, e kontakteve politike kështu atij.
Pa asnjë vendim të Parlamentit, siç e kërkon Kushtetuta.
Për një çeshtje absurde, ku sidoqoftë ai nuk është as “aktor”.
Tentativë kjo për izolim të opozitës në terrësi, goditje primitive ndaj saj.
Ndodhira këto vetëm me rregjimet diktatoriale në vendet më të errëta të Botës.
Ndalohet si kriminel “me armë në dorë” në publik familjari i tij, për një çeshtje të pronës familjare.
Të shumë viteve me parë për të cilën mund të thirrej, komunikuar akuza e ndjekur normalisht si në çdo vend civil të globit.
Një shoë ky, që të kujton rregjimin e kaluar kur njerëzit arrestoheshin në këto mënyra barbare për të terrorizuar popullin.
Që të bën të permendësh e të kuptosh se “historia” më e erret e këtij vendi mund të ripërsëritet për të gjithë, nqs njerëzit mendojnë “larg b… time”!
