Në orën 10:00 nis seanca plenare në Kuvendin e Shqipërisë.
Dita e sotme pritet një “arenë përplasjesh” mes mazhorancës socialiste dhe opozitës, ku disa deputetë demokratë ditët e fundit i kanë propozuar Sali Berishës që në funksionin e kryetarit të Partisë Demokratike të marrë vendim për bojkotim të Kuvendit.
Zgjedhja e kryetarit të grupit parlamentar është një tjetër arsye e përplasjes së fortë brenda Partisë Demokratike ku kryetari i vulës, Lulzim Basha ka shkarkuar Gazment Bardhin, vendim të cilin ia ka dërguar kryetares së Kuvendit, Lindita Nikollës.
Kujtojmë që Berisha ka paralajmëruar se Rama nuk mund të vazhdojë të marrë peng opozitën dhe ka paralajmëruar zhvillime surprizë gjatë ditëve në vijim.
Sipas rendit të ditës së miratuar në Konferencën e Kryetarëve, Kuvendi pritet të nisë punimet me një interpelancë me ministren e Kulturës, Elva Margariti, të kërkuar nga deputetja Ina Zhupa.
Më pas do të diskutohen tre projektligje: projektligji i propozuar nga Ministria e Brendshme për disa ndryshime në ligjin për “Shërbimin privat të sigurisë fizike”, projektligji për disa ndryshime në ligjin për “Avokaturën e Shtetit” dhe projektligji për disa ndryshime në ligjin për “Akreditimin e Organeve të vlerësimit të konformitetit në Republikën e Shqipërisë”.
Veç projektligjeve, Kuvendi pritet të shqyrtojë dhe një sërë projektvendimesh.
Rendi i ditës:
