Biznesmeni i ndërtimit Julian Morina, i njohur si Lul Morina është paraqitur sërish në SPAK këtë të mërkurë, për herë të dytë brenda muajit.
Paraqitja në Prokurorinë e Posaçme besohet se ka lidhje me të njëjtën çështje për të cilën ai u thirr të hënën e javës së kaluar – hetimi pasuror ndaj ish-minitrit të Brendshëm Saimir Tahiri.
Javën e kaluar ai ka dhënë shpjegime për disa transaksione bankare me vlerë mbi 100 mijë euro, transferta këto që janë kryer gjatë vitit 2016-2017 tek llogaria e Fatlinda Tahirit, bashkëshortja e ministrit të Brendshëm të asaj kohe, Saimir Tahiri.
Gjatë marrjes në pyetje, burimet thanë se, Julian Morina, ka pranuar kryerjen e këtyre transaksioneve, duke pretenduar se shumat financiare janë dhënë në formën e borxhit.
