Një plagosje me armë zjarri është regjistruar këtë të shtunë në Malësi të Madhe. Burime bëjnë me dije se ka mbetur i plagosur një emigrant nga vendet e treta, shtas afgani A. Z., 17 vjeç.
Ngjarja ka ndodhur në afërsi të stacionit hekurudhor, në fshatin Fermë. Ai ka mbetur i plagosur pas një konflikti me tre shokë të tij, të cilët janë shoqëruar në komisariat për t’u marrë në pyetje.
17-vjeçari afgan është dërguar në spital, ndërsa grupi hetimor vijon punën për sqarimin e rrethanave të ngjarjes.
Njoftimi:
Në afërsi të stacionit hekurudhor, në fshatin Fermë, Malësi e Madhe, në rrethana ende të paqarta, 4 shtetas nga vendet e treta janë konfliktuar me disa shtetas ende të paidentifikuar dhe për pasojë ka mbetur i plagosur me armë zjarri, shtetasi afgan A. Z., 17 vjeç.
Shërbimet e Policisë ndodhen në vendin e ngjarjes, po këqyrin zonën dhe po marrin në pyetje 3 shtetasit që ishin me 17-vjeçarin, i cili është dërguar në spital, për mjekim.
Grupi hetimor vijon punën për sqarimin e rrethanave të ngjarjes, identifikimin dhe kapjen e shtetasve të përfshirë në konflikt.
