Një ngjarje e rëndë ka ndodhur në një shkollë në Francë, ku si pasojë e një sulmi me thikë ka humbur jetën një mësues dhe dy të tjerë kanë mbetur të plagosur.
Ministri i Brendshëm i vendit, Gerald Darmanin tha se sulmi ndodhi në shkollën e mesme Gambetta në qytetin verior të Arras.
“Një person u sulmua me thikë para shkollës, para se sulmuesi të hynte në shkollë dhe të godiste një mësues, i cili besohet të jetë personi i vrarë. Zyrtarët lokalë thonë se autori është arrestuar”,- shkruan Darmanin.
Ende nuk dihen shkaqet dhe rrethanat e ngjarjes së rëndë, ndërsa autoritetet vijojnë hetimet për zbardhjen e plotë të rastit.
