Pesë shtetas janë arrestuar këtë të mërkurë nga policia në Tiranë pasi akuzohen për vepra të ndryshme penale.
Blutë bëjnë me dije se në pranga ka rënë një 27 vjeçar pasi ka ushtruar dhunë ndaj babait ndërsa është arrestuar gjithashtu edhe një 43 vjeçar pasi ka ushtruar dhunë ndaj bashkëshortes së tij.
Në pranga ka rënë edhe një person tjetër pasi iu gjet në banesë një armë zjarri kallashnikov me krehër e municion luftarak, një 45 vjeçar pasi u kap duke drejtuar automjetin në gjendje të dehur dhe një 26 vjeçar pasi po drejtonte automjetin pa leje drejtimi.
