Për analistin Enton Abilekaj, nëse Edi Rama dhe deputetët e tij miratojnë një Kuvend ku nuk përmendet Serbia, në lidhje me sulmin terrorist të 24 shtatorit në Kosovë, ku vdiq edhe polici Afrim Bunjaku, është një akt tradhtie.
Abilekaj u shpreh se parlamenti i Shqipërisë nuk mund të miratojë një rezolutë ndryshe nga ajo që ka miratuar Kosova.
“Nëse parlamenti shqiptar miraton një rezolutë ku nuk përshihet hetimi ndërkombëtar, ku nuk përcaktohet Serbia si frymëzuesja apo nxitësja e aktit të 24 shtatorit, dhe ku nuk kërkohet dorëzimi i Radoiçiç në Kosovë, atëherë ky nuk është parlamenti i Shqipërisë.
Pse? Sepse parlamenti i Shqipërisë supozohet që të përfaqësojë interesat e të gjithë shqiptarëve kudo që janë, dhe Shqipëria si shtet, duke përfshirë Maqedoninë dhe Kosovën.
Sot sado të dojë PS-ja të ketë një qëndrim për Kosovën, nuk mund ta ketë kundër qëndrimeve maqedonase dhe kosovare. E gjithë politika kosovare ka votuar një rezolutë anonime, partinë maqedonase njëzëri e kanë mbështetur këtë qëndrim dhe të gjitha partitë partitë shqiptare, përveç PS-së janë pro rezolutës së Kosovës.
Ata do të miratojnë një rezolutë pakice. 800 mijë votuesit e PS-së nuk mund të mbështesin Vuçiçin në emër të Shqipërisë, kur e gjithë pjesa tjetër e Shqipërisë dhe shqiptarëve kudo që janë mbështesin parlamentin dhe qeverinë e Kosovës.
Kështu që është një akt tradhtie me qëllim, dhe nuk është një qëndrim vizionar i Ramës. se një qëndrim vizionar lider nuk mund ta mbajë kundër të gjithë faktorëve shqiptarë kudo që janë, në emër të Shqipërisë, duke e kthyer edhe në rezolutë të parlamentit.
Sado me qëllime vizionare ta bëjë ai, ky është një akt që e dëmton jashtëzakonisht shumë Kosovën. Edhe sot Peter Stano, tha që Serbia duhet të ndihmojë hetimet dhe pavarësisht se nuk e njeh Kosovën, duhet të ndihmojë hetimet duke folur për Radoiçiçin dhe u la të kuptohet se mund ta dorëzojnë dhe në Kosovë”, tha Enton Abilekaj per Syri tv.
