Personi që shihni në foton e mëposhtme është shefi i komisariatit të Policisë së Kurbinit, Dritan Metaj, i arrestuar ditën e sotme nga SPAK, në vijim të operacionit të koduar “Flakë në det”, të ekzekutuar në gusht të këtij viti.
Ndaj tij, SPAK ka caktuar masën e sigurisë “arrest në burg”, për veprat penale “Trafikimi i narkotikëve”, kryer në bashkëpunim në kuadër të grupit të strukturuar kriminal, “Grupi i strukturuar kriminal” dhe “Kryerja e veprave penale nga organizata krimianle dhe grupi i strukturuar kriminal”.
Ai dyshohet si i lidhur me bandën e Gëzim Çelës nga Fushë Kuqe e Kurbinit, i njohur ndryshe dhe me nofkën “Baroni i Dorgës”. Bashkë me Dritan Metajn, SPAK shpalli në kërkim dhe shtetasit Gëzim Çela i njohur si “Baroni i Drogës”, Arben Dalipaj banues Vlorë, Roland Guzo banues në Durrës. Këta tre persona dyshohet se ndodhen jashtë vendit.
Në muajin gusht, në operacionin “Flakë në Det”, policia godit një tentativë e trafikimit të drogës me varkë velierë nga lugina e Patokut në drejtim të Italisë, më konkretisht dyshohet se do shkëmbehej në mes të detit kanabis me kokainë.
Në atë kohë u arrestua kushëriri i Gëzim Çelës, Nerim Çela, si dhe ish-punonjësin e Policisë së Shtetit, Arlind Ismailukaj, Armando Mema, Besnik Brokeri nga Vlora dhe dy korrierët me shtetësi ukrainase Kyrylo Ponomarenko dhe Kostiantyn Biellon.
“Flakë në det”/ Arrestohet shefi i policisë në Laç! Në kërkim Gëzim Çela dhe 2 të tjerë (EMRAT)
