Një aksident me pasojë vdekjen ka ndodhur paraditen e sotme në aksin rrugor “Lushnjë-Rrogozhinë”. Një 26-vjeçare ka përplasur për vdekje me makinë një 70-vjeçar i cili po lëvizte me biçikletë.
“Rreth orës 09:45, në aksin rrugor “Lushnjë-Rrogozhinë”, në fshatin Golem, automjeti me drejtuese shtetasen A. Xh., 26 vjeçe, është përplasur me biçikletën me drejtues shtetasin V. D., 70 vjeç, banues në Golem, i cili ka ndërruar jetë.
Shtetasja A. Xh. është shoqëruar në Komisariat, me të cilën po kryhen veprimet hetimore.“- njofton policia.
Grupi hetimor po punon për zbardhjen e rrethanave të aksidentit.
