Detaje të reja janë zbuluar nga operacioni i zhvilluar mbrëmjen e kaluar, nga policia të koduar “Never Forget”.
Kreu i Policisë së Shtetit, Muhamet Rrumbullaku, në një konferencë për shtyp ditën e sotme u shpreh se në total janë zbardhur 16 ngjarje kriminale, mes të cilave 6 vrasje, 5 raste të shkatërrimit të pronës me eksploziv, 2 raste të vjedhjes me dhunë dhe 3 raste të sigurimit të kushteve për vrasje.
Rrumbullaku tha se janë lëshuar 16 urdhra ndalimi, nga të cilat janë ekzekutuar 12, ndërsa 4 persona janë shpallur në kërkim.
Emri që kryeson këto ngjarje të rënda të ndodhura përgjatë këtyre 5 viteve të fundit në qytete të ndryshme të vendit, është ai i Laert Haxhiut.
Por mes të arrestuarve është edhe 27-vjeçarja Klea Gjata, nga Lushnja, partnere e Laert Haxhisë.
“Klea Gjata, 27 vjeçe, banuese në Lushnjë, dyshohet për veprat penale “Përkrahja e autorit të krimit” dhe “Moskallëzimi i krimit”,” tha Rrumbullaku.
