Kryetari i Grupit Parlamentar të PD-së, Gazment Bardhi, tregoi detaje mbi projektin politik, të cilin ia ka prezantuar Lulzim Basha
Ai theksoi se madje i ka pritur me habi të madhe momentet kur ka dëgjuar propozimet e kryetarit të vulës, ka mbetur i habitur nga fjalët e tij dhe kjo e ka detyruar të shkëpusë bashkëpunimin me të.
Bardhi deklaroi se nga biseda private me Bashën ka kuptuar se synimi i këtij të fundit është që të ketë vetëm 3-4 deputetë.
“Po e them për herë të parë, kur ia kam shprehur z. Basha, se përpara kemi qenë shumë të afërt me njeri tjetri, jo vetëm në politikë, por kemi qenë edhe shumë miq dhe përpara se të mbaja qëndrimin në publik, sigurisht e kam pasur detyrimin të shkoj dhe t’ia them privatisht. E kam pyetur për projektin e tij politik dhe më ka shpjeguar disa gjëra, të cilat jem i sinqertë jo vetëm nuk i besove, por po e shikonim njëri tjetrin në sy dhe thashë: a jam në realitet dhe në atë moment I kam thënë shprehimisht këtë fjali, të cilën që po e them për herë të parë: Ky Projekt mua më provon qe synimi juaj është që të keni 3, 4 apo 5 deputetë. Po të shikosh rehatinë time, ti je i pari, unë i dyti, në fakt zonja Tabaku e treta dhe ngelen dhe dy vende të tjera. Po të deklaroj, që unë po e tërheq veten nga ky projekt, nuk dua të jem deputeti i dytë, sepse nuk është ky projekti im politik. Unë nuk kam hyrë në politikë për të qenë deputet i opozitës, kur nuk kam mundësi për të dhënë mendimet e mia, për hallet e qytetarëve. Kam marrë disa përgjigje, jo po se do fitojmë. Unë nuk mund të besoj gënjeshtrat. Projekti im nuk përputhet me atë projekt që mendoj unë. Ai është në rrugën e vet, unë në timen”, tha Bardhi në Abc.
