Një grup i strukturuar kriminal i trafikut të drogës, të cilët raportohet se janë me kombësi shqiptare si dhe operonin në gjithë Katalonjën, është shkatërruar nga policia spanjolle.
Mediat e huaja bëjnë të ditur se janë kryer kontrolle dhe operacione policore në të gjithë zonën, në Tarragona dhe Barcelonë, të dedikuar për kultivimin dhe trafikun ndërkombëtar të marijuanës, raportojnë mediat e huaja.
Janë kryer 16 kontrolle në lokacione të ndryshme, ku janë zbuluar dhe çmontuar tetë plantacione marijuane shumë të sofistikuara ‘të brendshme’.
Kontrolle ka pasur po ashtu në: Cambrils, Mont-roig del Camp, la Bisbal del Penedès, Castellvell, Salou, Perafort, Tarragona, Bràfim, Prats del Rei, el Masnou, Sant Pere de Ribes, Palau-solità i Plegamans, Sabadell dhe Abrera.
Dy armë dhe gjithashtu një silenciator pistolete janë sekuestruar deri më tani në një nga kontrollet në Cambrils. Operacioni, kishte në përbërje 220 agjentë të Gardës Civile nga specialitete të ndryshme, duke përfshirë mjete ajrore të drejtuara nga njësitë e hetimit tatimor dhe krimit të organizuar të Gardës Civile të Tarragona.
