Një shtetas është arrestuar nga policia dhe dy të tjerë janë vënë në hetim nga policia pasi akuzohen për zjarrvënie të qëllimshme.
Blutë bëjnë me dije se në pranga ka rënë shtetasi me iniciale E.Z 48 vjeç, ndërsa janë proceduar -Sh. Z., 59 vjeç, dhe -A. D., 50 vjeç.
“Në vijim të veprimeve procedurale, është kapur dhe vënë në pranga shtetasi E. Z., 48 vjeç, banues në fshatin Sinanaj, Tepelenë, pasi dyshohet se ka ndezur për hapjen e kullotës, në fshatin Dorëz, Tepelenë, dhe si pasojë e përhapjes së flakëve është djegur një sipërfaqe e madhe kullote me bimësi të egër.
Gjithashtu, nisi procedimi në gjendje të lirë për shtetasit:
-Sh. Z., 59 vjeç, banues në fshatin Turan, Tepelenë, pasi dyshohet se ka ndezur zjarr në vendin e quajtur “Bregu i Gjodhimës”, në fshatin Turan, dhe si pasojë e përhapjes së flakëve është djegur një sipërfaqe toke me bimësi të egër;
-A. D., 50 vjeç, banues në fshatin Dhëmblan, Tepelenë, pasi dyshohet se ka ndezur zjarr në vendin e quajtur “Dafina”, në fshatin Dhëmblan, dhe si pasojë e përhapjes së flakëve është djegur një sipërfaqe toke me bimësi të egër”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
