Një konflikt mes dy të rinjëve ka përfunduar në plagosje me thikë këtë të shtunë në Kukës.
Autoritetet policore raportojnë se 28-vjeçari me inicialet A.E. ka shkuar i plagosur me thikë në spitalin e Kukësit për të marrë ndihmë mjekësore. Pas marrjes së njoftimin, blutë e qytetit verilindor kanë nisur veprimet hetimore për zbardhjen e rrethanave të plagosjes.
Nga veprimet hetimore ka rezultuar se shtetasi A. E. ishte plagosur me mjet prerës (thikë), nga shtetasi R. C., 24 vjeç, banues në Kukës, gjatë një konflikti të çastit mes tyre.
Mësohet se shtetasi me iniciale A. E. po merr asistencë mjekësore në Spitalin e Traumës dhe është jashtë rrezikut për jetën.
Autori ka ikur në drejtim të paditur pas krimit dhe policia po punon për kapjen e tij.
