Policia ka dalë me një tjetër njoftim lidhur me aksidentin që ndodhi pasditen e kësaj të premte në Korçë, ku një 28 vjeçare përplasi me makinë një të moshuar.
Pas lajmërimit se i moshuari ndërroi jetë në dyert e spitalit të Traumës, policia bën me dije se është arrestuar shoferja e mjetit tip “Benz”, shtetasja Olta Meta.
“Në vijim të informacionit paraprak të dhënë pasditen e sotme, për një aksident rrugor ju informojmë se specialistët e Trafikut Urban dhe Interurban të DVP Korçë, arrestuan në flagrancë shtetasen O. M., 28 vjeçe, banuese në Korçë, pasi në bulevard “Republika”, Korçë, duke drejtuar automjetin tip “Benz”, ka aksidentuar biçiklistin M. A., 79 vjeç, banues në Korçë, i cili ndërroi jetë në spitalin e Korçës. Nga ana e Policisë po kryhen veprimet hetimore dhe po punohet për përcaktimin e shkaqeve të aksidentit. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë”,- njofton Policia.
