Është nisur drejt Traumës, 79 vjeçari që mbeti i plagosur rëndë në aksidentin që ndodhi pasditen e sotme në Korçë.
Mësohet se gjendja e të moshuarit është përkeqësuar dhe si pasojë është nisur me helikopter drejt Tiranës.
79 vjeçari ishte duke udhëtuar me një biçikletë, kur është përplasur nga një automjet tip “Benz”.
Njoftimi i policisë:
“Sot rreth orës 16:15, në bulevard “Republika”, Korçë, automjeti tip “Benz”, me drejtuese shtetasen O. M., ka aksidentuar biçiklistin M. A., rreth 79 vjeç, banues në Korçë, i cili u transportua për mjekim në spitalin e Korçës. Me drejtuesen e automjetit, po kryhen veprimet e mëtejshme procedurale. Grupi hetimor po punon për sqarimin e rrethanave dhe përcaktimin e shkaqeve të aksidentit”,- njofton Policia.
