Një shtëpi në qytetin e Korçës është përfshirë nga flakët këtë të premte.
Ngjarja ka ndodhur në lagjen numër 12 të qytetit juglindor. Brenda në banesë ka qenë Dhimitraq Shofroni por është nxjerrë nga forcat zjarrfikëse.
Mediat bëjnë me dije se zjarri rrezikon edhe banesat e tjera. Zjarrfikësja është duke fikur momentalisht zjarrin i cili ka përfshirë pjesën më të madhe të banesës dhe rrezikon banesat e tjera.
Ende nuk dihet shkaku i zjarrit. Forcat zjarrfikëse po punojnë për shuarjen e flakëve.
“Më datë 22.09.2023, rreth orës 10:45, në lagjen nr. 11, Korçë, ka rënë zjarr në banesën e shtetasit Dh. S., ku nga të dhënat paraprake nuk ka persona të lënduar, por vetëm dëme materiale. Shërbimet e zjarrfikëses, ndodhen në vendngjarje për të bërë të mundur shuarjen e zjarrit“, njofton policia.
Grupi hetimor po punon për zbardhjen e rrethanave dhe përcaktimin e shkaqeve të rënies së zjarrit.
