Një foshnjë ka lindur me 26 gishtërinj në Indi, teksa prindërit e kanë quajtur atë rimishërimin e një perëndeshë hindu.
Vajza e vogël, e cila ka lindur në një spital në Bharatpur, në shtetin verior indian të Rajasthan, ka shtatë gishta në secilën dorë dhe gjashtë gishtërinj në secilën këmbë.
Ndërsa mjekët e kanë përshkruar gjendjen e saj si një anomali gjenetike, familja e saj thuhet se është e kënaqur dhe e kanë quajtur publikisht versionin e rilindur të Dholagarh Devi, një hyjni e njohur vendase, tempulli i të cilës është afër vendit ku lindi vajza.
Nëna e foshnjës, e quajtur Sarju Devi, 25 vjeç, thuhet se është e kënaqur për foshnjën e lindur dhe për momentin nuk ka asnjë problem shëndetësor.
Babai i foshnjës, Gopal Bhattacharya, është punonjës policie në Forcën Policore të Rezervës Qendrore dhe gjithashtu thuhet se është shumë i lumtur. Dr BS Soni, një mjek në spitalin ku lindi foshnja, tha: “Nuk ka asnjë lloj problemi të kesh 26 gishta, por është një anomali gjenetike. Përndryshe, vajza është absolutisht e shëndetshme’. Aktualisht nuk dihet nëse familja po planifikon që vajza e tyre e porsalindur t’i nënshtrohet një operacioni për të zvogëluar numrin e tyre në çdo gjymtyrë.
