Një avion transporti mjekësor është rrëzuar në lindje të Indisë, me shtatë persona në bord. Autoritetet vendase konfirmuan se avioni tip Beechcraft C90 ishte nisur nga qyteti Ranchi me pesë pasagjerë dhe dy anëtarë ekuipazhi.
Sipas raportimeve zyrtare, pak minuta pas ngritjes, ekuipazhi kishte kërkuar ndryshim kursi për shkak të kushteve të pafavorshme atmosferike. Më pas, avioni humbi kontaktin me kontrollin ajror dhe u zhduk nga radarët.
Ekipet e emergjencës janë dërguar në zonën ku dyshohet se ka ndodhur rrëzimi, ndërsa operacioni i kërkim-shpëtimit vijon. Deri në këto momente, autoritetet nuk kanë konfirmuar nëse ka të mbijetuar.
Shkaqet e rrëzimit mbeten ende të paqarta dhe pritet që hetimet të nisin sapo të përfundojë faza e parë e operacionit në terren.
