Policia ka identifikuar dy grabitësit që morën një shumë parash në një banesë në Fier.
Në prangat e policisë kanë rënë shtetasit Marjus Filipi 39 vjeç dhe Erion Qorri 42 vjeç të cilët akuzohen se grabitën banesën.
“Specialistët për Hetimin e Krimeve të Komisariatit të Policisë Fier, si rezultat i veprimeve hetimore dhe operacionale, të kryera pas denoncimit të bërë nga shtetasi E. H., se në banesë i kishin vjedhur një shumë parash, bënë të mundur identifikimin, kapjen dhe ndalimin e shtetasve Marjus Filipi 39 vjeç dhe Erion Qorri 42 vjeç, të dy banues në Fier”, njofton policia.
Vijojnë veprimet hetimore për të zbardhur vjedhje të tjera që mund të kenë kryer këta shtetas.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
