Një 38-vjeçar shqiptar ka humbur jetën tragjikisht në punë, në Trikeri të Volosit, Greqi.
Mediat vendase raportojnë se ai ishte duke kryer punë pastrimi pas përmbytjes, kur një makineri i ka zënë dorën e tij, duke bërë që ai të mbesë poshtë saj dhe të humbasë jetën.
38-vjeçari ishte baba i dy fëmijëve 5 dhe 11 vjeç, me origjinë shqiptare dhe jetonte me familjen në Trikeri.
Sikur të mos mjaftonte vdekja e shqiptarit, pak çaste më pas, një tjetër aksident industrial ndodhi në çelikun e Volos, ku viktima është një 28-vjeçar, i cili merrej me mirëmbajtjen e makinerive.
Sipas mediave greke, 28-vjeçari merrej me mirëmbajtjen e makinerive dhe teksa punonte në një zonë joprodhuese, në rrethana të panjohura, makina ka hyrë në punë duke e plagosur për vdekje. Shkaqet e sakta të aksidentit janë duke u hetuar.
