Partia Socialiste ka mbajtur këtë të hënë mbledhjen e grupit parlamentar nën drejtimin e kreut të grupit, Bledi Çuçi, takim i cili ka zgjatur për rreth 40 minuta.
Burime për mediat bëjnë me dije se në mbledhje është diskutuar rreth seancës plenare të së enjtes dhe për problematikat e qytetarëve në terren.
Mësohet se në mbledhje nuk ka patur fare diskutime në lidhje me zgjedhjen e Avokatit të Popullit, për reformën zgjedhore, apo për çështje e Arben Ahmetaj, i cili vijon të jetë ende si pjesë e grupit parlamentar socialist, edhe pse i shpallur në kërkim nga Policia.
Shqetësimet që kanë ngritur deputetët socialistë në mbledhje kanë qenë lidhur me buxhetin, diskutimi i buxhetit të bëhet në grupe të vogla sipas komisioneve. Një tjetër shqetësim që është ngritur nga deputetët e PS në mbledhje është edhe Kadastra, vonesat me të cilat qytetarët janë hasur.
