Një ngjarje e rëndë ka ndodhur në autostradën Lushnje-Fier.
Mësohet se një kamion ka përplasur një ambulancë dhe për pasojë raportohet për një person të vdekur.
Aksidenti ka ndodhur në kryqëzim të autostradës Fier-Lushnje, ndërsa bëhet e ditur se ambulanca po transportonte për në Tiranë një person të sëmurë.
Nga aksidenti pacienti ka ndërruar jetë. Viktima është identifikuar të jetë Dashamir Koçaj, 77 vjeç, nga qyteti i Vlorës.
Ndërkohë policia dhe grupi hetimor shkuan në vendin e ngjarjes dhe po punojnë për të zbardhur rrethanat e plota të aksidentit.
