Një zjarr ka rënë këtë të dielë në Tiranë. Një banesë është përfshirë nga flakët në rrugën “Misto Mame”.
Blutë bëjnë me dije se zjarri ka ardhur si pasojë e një defekti të një bombule gazi. Deri më tani nuk raportohet për të lënduar vetëm dëme materiale.
“Më datë 17.09.2023, rreth orës 14:35, në lagjen “Misto Mame”, dyshohet se si pasojë e një defekti në bombulën e gazit, ka rënë zjarr në një banesë private.
Në vendngjarje ndodhen shërbimet e zjarrfikëses dhe të Policisë, të cilat po punojnë për fikjen e zjarrit”,- njofton Policia.
Grupi hetimor ndodhet në vendngjarje dhe po punon për sqarimin e rrethanave të ngjarjes.
