Mbi 200 persona të dyshuar si pjesëtarë të 23 grupeve kriminale që shpërdanin drogë nëpër zona të banuara dhe afër shkollave u arrestuan gjatë një operacioni që u shtri në disa qytete kryesore të vendit.
Operacioni u ndërmor më 14 shtator ndërsa sot pritet të njihen me masën e sigurisë në gjykatën e Vlorës, 18 prej të arrestuarve.
Konkretisht shtetasit: Marjano Latifaj, Meridio Beluli, Qamil Veshaj, Manuel Veshaj, Bledar Bajrami, Emisa Bajrami, Ilir Beja, Ariselda Delibashi, Gabriele Paskali, Albano Shabani, Shkëlqim Bakaj, Aleksandro Alikaj, Fatmir Alikaj, Rael Hoxhaj, Dashamir Dahri, Eriselda Zekaj, Nikola Bledar Selimaj, Julian Shabani.
Ndërkohë kujtojmë se në total, në të gjithë vendin u lëshuan 296 masa arresti.
Njoftimi i policisë për Qarkun Vlorë:
Në kuadër të megaoperacionit policor mbarëkombëtar të koduar “Tempulli”, në qarkun Vlorë, janë vënë në pranga 69 shtetas.
Janë sekuestruar:
– 118.02 kg cannabis sativa, 190.7 gramë kokainë, 99.82 gramë Ekstazi, 133.76 gramë MDMA, sasi drogash GAB dhe Poppers.
-4 pistoleta, 2 armë sportive, municion luftarak, 35 automjete, targa.
-199 celularë, peshore elektronike, 6 armë të ftohta, përforcues grushti, 1 elektroshok, mulli për bluarjen e lëndës narkotike.
-Një uniformë policie, jelek policie, dokument policie.
-1 801 000 lekë, 38 845 euro, 110 dollarë.
