Këtë të premte rikthehen në fushën e blerë skuadrat e Superligës. Tirana do të luajë me Skënderbeun në 15:00, ndërsa Vllaznia me Partizanin në 18:00.
Me një fitore dhe një barazim në dy ndeshjet e para të sezonit, bardheblutë e Tiranës nuk janë ende në formën e duhur. Trajneri Shehi beson se ekipi do të vijë në nivelin që kërkojnë objektivat në mesin e fazës së parë. Por ndërkohë, bardheblutë do të duhet të grumbullojnë pikë. Ndeshja e radhës është kundër Skënderbeut që kryeson renditjen.
Nga ana tjetër korçarët nuk do të ulin ritmin edhe pse luajnë jashtë fushe. Java e tretë e kampionatit sjell një tjetër përballje serioze. Vllaznia pret Partizanin.
Java e tretë e kampionatit do të mbyllet nga ndeshja Laçi-Teuta.
