Një aksident automobilistik është regjistruar pasditen e kësaj të mërkure në aksin rrugor “Korçë-Pogradec”.
Autoritetet policore bëjnë me dije se shtetasi R. L., duke drejtuar automjetin tip “Audi”, dyshohet se ka humbur kontrollin mbi drejtimin e tij dhe automjeti ka dalë nga rruga. Si pasojë e aksidentit kanë mbetur të plagosur tre pasagjerët në automjet, më konkretisht shtetasit I. V., 46 vjeç, E. Xh., 23 vjeç dhe O. V., 17 vjeç, banues në Pogradec, të cilët janë dërguar për mjekim në spitalin e Korçës
Ngjarja ka ndodhur rreth orës 16:05, pranë kryqëzimit të fshatit Libonik të Maliq. Policia njofton se me drejtuesin e automjetit, shtetasin R. L., po kryhen veprimet e mëtejshme procedurale.
Grupi hetimor po punon për zbardhjen e rrethanave të aksidentit.
