Një ngjarje e rëndë ka ndodhur në Greqi.
6 persona kanë humbur jetën pas të shtënave me armë zjarri. Mediat lokale bëjnë me dije se nhga raportimet e para bëhet fjalë për një përplasje mes bandave shqiptare në vendin fqinj. Dyshohet se 6 viktimat janë me kombësi shqiptare.
Sipas informacioneve paraprake bëhet fjalë për një larje hesapesh. Pesë prej viktimave ndodheshin brenda një automjeti, ndërsa njëri u gjet jashtë makinës, e cila thuhet se kishte targa gjermane.
Alarmi është dhënë pasditen e së hënës (11/9) në Artemisa pas një incidenti me armë zjarri, ku sipas informacioneve të para janë gjashtë të vdekur. Më konkretisht, episodi i përgjakshëm ka ndodhur në kryqëzimin e rrugëve Arionos dhe Acropoleos dhe duket se ka pasur një shkëmbim të shtëna me armë zjarri, rrethanat e të cilit ende nuk dihen, raporton CNN grek.
Njëri, i cili ndoshta ishte edhe shoferi, tentoi të arratisej dhe u hodh nga automjeti. Pesë të tjerët ndodheshin brenda automjetit.
Mirëpo, këto janë të shtëna nga një pistoletë 9-gamesh dhe ndoshta lidhen me një rast “mafioz” për të larë hesapet. Makina në të cilën u gjetën tre të vdekurit është me targa gjermane.
Forca të forta të grupit DIAS kanë mbërritur në vendngjarje dhe kanë rrethuar zonën, ndërsa plumbat e gjetur vijnë nga një pistoletë 9 gamë që duket se është përdorur në ekzekutim.
Policia ka nisur hetimet për identifikimin e autorëve, ndërsa në të njëjtën kohë po mbledh dëshmitë e banorëve të zonës dhe po skanon kamerat e sigurisë për të mbledhur video materiale që do t’i ndihmojnë të zbardhin lëmshin e ekzekutimit.
